七折都無人要！南沙百萬葵園資產法拍，原來坑仲多過筍！

廣州朋友，你哋試過 平嘢冇好貨、好貨冇平嘢 未？今日呢單新聞真系睇到地產圈、文旅圈齊齊搖頭： 南沙百萬葵園不動產打包 7 折法拍 ，評估近 3 億，起拍先 2.04 億，保證金都要 2000 萬！結果超 700 人睇熱鬧， 最終 0 人報名 ，真系 平到笑都無人敢執 ！

7 折大甩賣！五大物業打包 2 億起拍

今次法拍真系 大手筆 ，廣州市中院出手，將百萬葵園旗下 五大不動產 一次過打包拍賣：

新港大道 100 號（1-2 棟、3-9 棟）

新港大道 80 號

花之戀婚慶村 D5 棟總評估價 2.92 億 ，起拍價 2.04 億 ，直接打 7 折，聽落真系筍到爆！

物業涵蓋酒店、商業、配套、婚慶村，國有出讓用地， 五通一平 齊曬，位置又喺萬頃沙，近深中通道、南中高速，規劃都幾好下，你哋話係咪��？

點解 7 折都無人要？原來坑仲多過筍

咁平都無人吼？內幕真系 陰公咯 ！肥勝幫你拆穿佢：

20 年長租約纏身：部分物業被人主張20 年租賃權，法院唔負責清場，買賣不破租賃，買咗都收唔返樓

抵押查封一大堆：大部分物業辦咗抵押、被查封，債務糾紛多到數唔曬

現狀殘到喊：酒店空置、配套廢棄，再投入翻新都要一大筆

門檻高到驚：保證金2043 萬，加價一次百萬起步，小老板睇唔起，大老板嫌麻煩

總結就系： 大買家看不上，細買家接不住 ，妥妥嘅 燙手山芋 ！

昔日網紅地標，為何落到今日咁下場

講起百萬葵園，真系 一代廣州人嘅回憶 ！當年珠三角頭號網紅景區，花海、城堡、婚慶村，周末人山人海，承包無數家庭出游、學生春游、情侶拍拖。

點解會執笠？重資產投入太大，城堡酒店 砸十億 ，但客流撐唔起；運營跟不上，產品多年唔升級；再加上疫情同文旅洗牌，最終 風光不再，負債累累 ，連物業都要擺上法拍臺，真系令人唏噓！

法拍有風險， 平嘢多隱憂 ；百萬葵園 7 折都流拍，話你知投資真系唔好凈系睇價錢！你覺得呢堆資產最終會有人接盤嗎？評論區傾下偈！